Nr. 2223-85
Lesi- og skrivitøkni (LST) í náttúruvísindi og støddfrøði (kl. 13-16)
Endamál:
Við støði í serstaka fakmálinum í støddfrøði og náttúruvísindi verða orð sett á avbjóðingarnar hjá orðblindum í hesum lærugreinum. Hugt verður eisini at, hvussu IntoWords kann lofta hesum avbjóðingunum hjá næmingunum.
Luttakararnir fáa innlit í og verða kunnaðir um høvuðsmøguleikarnir í IntoWords, so luttakararnir kunnu vegleiða næmingum í at nýta LST-funkur og mannagongdir skynsamt.
Harumframt er skeiðið ein innleiðing til tað nýggja IntoWords og tær funkur, ið forritið hevur.
Innihald:
- Avbjóðingar hjá orðblindum í fakligu lesingini í nátturlærugreinum og støddfrøði
- Mannagongdir til stavi- og skrivihjálp
- Mannagongdir til lesing og fatan
- Yrkisgreinar og yrkisorðalistar til støddfrøði og náttúruvísindi
- Stutt um IntoWords á snildfon
- Stillasering av skrivligum uppgávum við skrivligum vegleiðingum
Skeiðssnið:
Fyrilestur og arbeiði við egnari teldu.
Málbólkur:
Lærarar, undirvísarar, námsfrøðingar, serskúlalærara.
Fyrireiking:
Neyðugt er at hava teldu við til skeiðið. Annars eingin fyrireiking.
Undirvísing/lærari:
Bjarne Isager ella Dorte Brandborg (Vitec).