Nr. 2021-47a
Endamál:
At geva íblástur til eina kannandi tilgongd til lærugreinina og harvið økja um forvitni og umhugsan í støddfrøðitimunum.
Innihald:
Luttakarar fáa innlit í ástøði um kannandi tilgongd til lærugreinina og týdningin, sum kannandi støddfrøði hevur fyri læringina hjá næmingunum. Høvið verður eisini at royna ymisk hugskot í verki, so sum "Finn miðjuna", samanhangin millum ummál og vídd og "hvat nú"-uppgávur. Luttakarar læra at arbeiða við kannandi støddfrøðiundirvísing og at spyrja næmingarnar røttu spurningarnar, soleiðis at teir fáa eina betri støddfrøðifatan og meira skilvísa tilgongd til lærugreinina.
Skeiðssnið: Framløgur, bólkaarbeiði og at royna hugskotini í verki.
Málbólkur: Støddfrøðilærarar í fólkaskúlanum, sum ætla fáa meira vitan um og brúka kannandi støddfrøði í undirvísingini.
Undirvísing/lærari: Sólrun Koivuneva
Tilfar hjá luttakarum at hava við: Teldu við GeoGebra, WordMat ella Excel