Nr. 2021-19
Endamál:
At geva luttakarum innlit í fyrimunir og vansar, soleiðis at teir við yvirliti megna at greina, skifta orð um og kritiskt fyrihalda seg til nýtslu av tøkni í støddfrøðiundirvísingini sum heild og kunnu nýta hetta yvirlit í ráðlegging og undirvísing.
Innihald:
Við støði í gransking í støddfrøðididaktikki verða fyrimunir og vansar við at nýta tøkni í støddfrøðiundirvísing lýstir. Komið verður m.a. inn á:
- Granskingarúrslit viðvíkjandi tøkni í støddfrøðiundirvísing.
- GeoGebra, skilvísa hugsan og undirvísingarmøguleikar.
- Uppgávur og uppgávuskapan, ið gagnnýta GeoGebra-møguleikar.
- Ástøði um tólskapan og ástøði um semiotiska mediering.
Skeiðssnið: Fyrilestur, bólkaarbeiði og felags orðaskifti.
Málbólkur: Støddfrøðilærarar - serliga fólkaskúlalærarar.
Førleikakrøv: Einki krav, tó er grundleggjandi vitan um GeoGebra ein fyrimunur.
Fyrireiking: Luttakarar skulu hava teldu við GeoGebra við á skeiðið.
Undirvísing/lærari: Ingi Heinesen Højsted