Endamál:
At geva lærarum íblástur til at fáa næmingarnar meira tilvitaðar um, hvussu vit lesa, tulka og rokna lesistykki.
Innihald:
Luttakararnir fáa íblástur til at arbeiða við lesistykkjum á ymsum floksstigum. Dentur verður lagdur á munin á gerandismáli og støddfrøðiorðum. Arbeitt verður við, hvussu vit hjálpa næmingunum at gjøgnumskoða, hvat spurt verður um, og hvussu tey skulu fara í gongd við uppgávuna. Hugt verður at ymsum rokniháttum, og hvussu vit hjálpa næmingunum at skilja ímillum teir. Á skeiðnum skulu luttakararnir m.a. gera plakatir, arbeiða við kreativum mátum at lesa lesistykki og arbeiða við roknisøgum.
Skeiðssnið:
Framløgur, bólkaarbeiði og at royna hugskotini í verki.
Málbólkur:
Støddfrøðilærarar í fólkaskúlanum.
Undirvísing/lærari:
Sólrun Koivuneva, lærari og støddfrøðisvegleiðari.
Tilfar hjá luttakarum at hava við: Teldu við GeoGebra, WordMat ella Excel.