Nr. 2223-31
Endamál:
At luttakararnir fáa høvi at fordjúpa seg í læritilgongdini Frá hugskoti til liðugt úrslit. At læra grundleggjandi ástøði um kompositiónir og ítøkiligar arbeiðshættir við pappírsklippum. Endamálið er sostatt at geva luttakarinum eitt amboð, ið teir kunnu taka við sær og brúka.
Innihald:
Luttakararnir royna ymiskar arbeiðshættir í myndlist og fáa ítøkiligar undirvísingargongdir, ið lættliga kunnu nýtast tvørgreinaliga saman við eitt nú føroyskum og søgu. Arbeitt verður m.a. við:
- Kvæðum og sagnum
- Skitsuarbeiði
- Trælitum og/ella oljukritum
- Kompositiónum, litsamansetingum, heitum og køldum litum
- Saksi og knívi
Skeiðssnið:
Framløgur, ítøkiligt arbeiði og kjak.
Málbólkur:
Lærarar, sum undirvísa í myndlist, og lærarar, ið vilja arbeiða skapandi í t.d. søgu og føroyskum.
Fyrireiking:
Finnið eina søgn ella eitt kvæði at arbeiða við, sum tit hava við á skeiðið.
Undirvísing:
Henny Dánialsdóttir, ráðgevi í Námi.