Nr. 1718-214
Endamál: At geva ítróttalærarum íblástur og ítøkilig námsfrøðilig hugskot til undirvísing í rútmiskum- og amboðsfimleiki í grund- og miðdeild fólkaskúlans.
Innihald: Støði verður tikið í námsætlanini fyri ítrótt í fólkaskúlunum. Lært verður, hvussu børn innan "Rørslu og tónleik" kunnu verða undirvíst í:
- spenningi/avspenningi í kroppinum
- rúmfatan
- takt og rútmu
- fimleikaserium, har brúktar verða javnvágir, fet, hopp, lop, snúningar, sveiggj og vríggj
- fólkadansum
Lært verður, hvussu børn innan amboðsfimleik kunnu verða undirvíst í:
- kropsspenningi/avspenningi og javnvág
- at nýta lopfjøl, seta av, sveima og lenda
- at bólta rút, standa á høvdinum og hondunum
- lop um skúmamboð
Skeiðsluttakararnir fáa tilfar frá skeiðinum.
Undirvísing: Turið Petursdóttir, cand. scient í ítrótti og heilsu.
Skeiðssnið: Verklig og ástøðilig undirvísing. Dentur verður lagdur á, at allir luttakarar eru aktivir á skeiðinum.