Nr. 2324-65
Endamál:
Við fuglum sum myndevni læra grundleggjandi ástøði og arbeiðshættir á ein positivan og ítøkiligan hátt í handaverki og list.
Innihald:
Luttakarar royna ymiskar arbeiðshættir innan myndlist og smíð og fáa ítøkiligar undirvísingargongdir. Háttalagið er einfalt, skipað sum verkstaðsundirvísing har tey luttakandi velja tað tey vilja royna.
Tú lærir m.a.:
- at arbeiða við ymiskum teknikkum innan blýant, litblýant, máling og oljukriti
- hvussu tú lærir børn at eygleiða og at tekna, so tað líkist
- hvussu myndlist og smíð kann gerast partur av tvørgreinaligari undirvísingargongd
- at arbeiða við tunnum krossviði og leyvsag
- hvussu tú kann læra næmingar at brúka leyvsag og viðlíkahalda leyvsagina.
Skeiðssnið:
Framløgur, ítøkiligt arbeiði og kjak. Skeiðið er framhald av Fuglaskeiðnum degnum fyri, men kann eisini virka sum ein sjálvstøðugt skeið. Ikki er neyðugt at luttaka á báðum skeiðunum.
Málbólkur:
Lærarar, sum undirvísa í myndlist, smíð, náttúru og tøkni og lívfrøði og tey, ið sakna íblástur til skapandi arbeiði.
Undirvísing:
Heini Nygaard og Henny Dánialsdóttir, lærarar í handaverki og list og ráðgevar í Námi.
At hava við:
Tit fáa tilfar á skeiðinum, men tit mugu gjarna taka egnar blýantar, litfarvur o.a. við um tit hava hug til tað.