Skeið 2016/2017
Bert fyri fólkaskúlan
Bert fyri miðnám
Bæði fyri fólkaskúla og miðnám
Námsvísindalig háttaløg
Handaligar og verkligar lærugreinar
Hugvísindi
Lærugreina- og yrkisbólkadagar
Náttúruvísindi
Onnur skeið og tiltøk
Ferðaskeið
Útbúgvingarskeið
Nr. 1718-334
Søga til 4.-5. flokk
Endamál: At geva lærarum innlit í søgutilfarið til 4. og 5. flokk, ið umfatar pappírsbók, fleksbók og læraravegleiðing. 
 
Innihald: Skeiðið tekur støði í søgutilfarinum til 4. og 5. flokk við atliti at nýtslu og førleikamálum. Dentur verður lagdur á tilfarið til 5. flokk. Við ítøkiligum dømum verður komið nærri inn á bygnaðin í tilfarinum og hvussu pappírsbókin, fleksbókin og læraravegleiðingin arbeiða saman. 

Arbeitt verður við fleksbókini, so lærarar fáa møguleika at kenna seg tryggar við fleksbókina, áðrenn farið verður undir at brúka hana í undirvísingini.

Teksturin í bókini til 4. flokk fevnir søguliga um tíðina frá landnámi til sjórænarar í 1700-talinum. Bókin til 5. flokk tekur við, har 4. floksbókin slepti. Byrjað verður við søguklípum í 1700-1800-talinum og hildið verður fram við frásagnum um bæði fótbólt, telefonir og bilar heilt upp til okkara dagar. Samtíðin verður tikin við gjøgnum undranarspurningar, faktaboksir og uppgávur. 

Skeiðssnið: Framløga, venjingar og bólkaarbeiði.

Undirvísing: Gunvá Magnussen, ritstjóri.
Málbólkur: Lærarar, sum undirvísa í søgu í miðdeild.
Lektiónir: 6
Stað/tíð:
Nám, skeiðshølið
11. sep. 2017 kl. 09.00-15.00