Nr. 1718-324
Endamál: At geva íblástur til, hvussu ein undirvísing kann verða løgd til rættis, ið kann menna lesi- og tulkingarførleikarnar hjá næminginum við at brúka nútíðar tekstir og miðlar.
Innihald: - Rák í nýmótans ungdómsbókmentum. Nýggjar bøkur verða vístar við hugskoti um, hvørjar møguleikar bøkurnar rúma til lesi- og bókmentaligt arbeiði.
- Innleiðsla í, hvussu miðlarnir hava ment seg seinnu árini, og hvønn týdning tað hevur havt fyri okkara samskifti. Vit tosa m.a. um lesistrategiir á netinum, talgildar slóðir, sosialar miðlar og við tí "shitstorm" og talgildan samleika. Vit hyggja at nýggjari og ikki so siðbundnum tekstsløgum sum stand up og ljóðfrásøgumyndum.
- Seinnu árini hava vit fingið podcasts, sum vísa øðrvísi frásøguhættir. Lurtað verður eftir dømum, har víst verður, hvussu frásøgur við støði í veruligum hendingum verða "borðreiddar" við øðrvísi frásøgusnildum, og nútímans ljóðsniði kunnu verða greinað og tulkað í undirvísingini í hádeild.
- Hugskot um, hvussu ljós kann verða varpað á retoriskar greiningar av fjølbroyttu tekstunum eftir Anders Matthesen, sum seinastu árini hevur gjørt stand up, film, sjónleik, útvarp og nú eisini bók.
- Við øðrum orðum gevur hetta skeiðið greiningaramboð til tess at menna førleikar hjá næmingunum at navigera ábyrgdarfult í miðlalandslagnum.
Skeiðssnið: Upplegg, bólkaarbeiði og kjak.
Fyrireiking: Í góðari tíð fáa luttakarar lista yvir bøkur at lesa innan skeiðið.
Undirvísing: Trine May, lærubókarithøvundur.